Книга издательства Звязда. Гаспадыня Ліловага цмока. Помства змрочнага птаха: жахліўчыкі (Кацярына Хадасевіч-Лісавая)

Гэты жахліўчык не пакіне раўнадушным ніводнага юнага аматара паказытаць сабе нервы. Гісторыя пачынаецца з таго, што сяброўкі Віка, Даша і Аліна вырашаюць дапамагчы суседцы і пасядзець з яе малым сынам, пакуль тая будзе на працы. Здавалася б, што можа здарыцца ў дзень з трыма амаль дарослымі і такімі самастойнымі дзяўчынкамі ў звычайнай вясковай хаце? Быццам нічога, але... Чаму так загадкава падміргвае цмок, намаляваны на суседчынай сумцы? І што ў стрывожыла ката Філю? Адказы на гэтыя і іншыя пытанні -пад вокладкай кнігі...
Чарговая страшная гісторыя, ад якой ажно дрыжыкі працінаюць, а душа ў пяты ідзе! Пазбегнуўшы абавязку пільнаваць малодшага брата, Сцёпа збіраецца паездзіць на ровары ў кампаніі лепшых сяброў Мікіты і Жэні. Але планы зноў неспадзявана парушаюцца... Ніякіх ровараў, пакуль цэгла не будзе перанесена з гаража да ганка! Працы на пятнаццаць хвілін, але на шляху хлопчыкаў нечакана паўстае таямнічая звышнатуральная сіла...